پاکستانی سائنسدانوں کی نئی ایجاد، مرغی جو سال میں 200 انڈے دے!

جامعہ زرعیہ فیصل آباد کے ماہرین نے ایک نئی مقامی مرغی کی نسل تیار کی ہے جسے "یونی گولڈ” کا نام دیا گیا ہے۔ یہ نسل خاص طور پر پاکستان کے گرم موسم کو مدِنظر رکھتے ہوئے تیار کی گئی ہے۔

"یونی گولڈ” مرغی سالانہ 200 سے زائد انڈے دینے کی صلاحیت رکھتی ہے، جس سے دیہی علاقوں میں پولٹری کی پیداوار میں نمایاں اضافہ ممکن ہو سکے گا۔

ماہرین کے مطابق یہ نسل گرمی برداشت کرنے کی صلاحیت رکھتی ہے، اسے پالنا آسان ہے اور اس کی خوراک بھی کم خرچ ہے، جس کی وجہ سے یہ چھوٹے کسانوں اور گھریلو سطح پر مرغی پالنے والوں کے لیے ایک بہترین انتخاب ثابت ہو سکتی ہے۔

یونیورسٹی حکام کا کہنا ہے کہ اس منصوبے کا مقصد مقامی زرعی نظام کو مزید مؤثر بنانا اور پائیدار ترقی کو فروغ دینا ہے۔